Dr.Munjpara Mahendrabhai, Hon'ble Union Minister of State, Ministry of AYUSH and Women & Child Development chuan ni 22-24 September 2022 chhung khan Mizoram a rawn tlawh a. Ni 22 September 2022 ah Mizoram rawn thlengin , Aijal Club ah CSS leh National AYUSH Mission chungchang Review Meeting a neihpui a. He Review Meeting ah hian National AYUSH Mission, Directorate of AYUSH officials te nen hun an hmang ho a. Pi Esther Lal Ruatkimi, Principal Secretary, Health & Family welfare Department kaihhruaina hnuaiah AYUSH hmalakna, hmasawnna te leh hlawhtlinna hrang hrangte a lem nena entira sawihona hun hman a ni.

Ni 23 September 2022 ah AYUSH OPD, Mamit District Hospital a tlawh a. Dr.C.Lalzepuii, Director, AYUSH leh Dr. Lalmalsawmi Sailo, Joint Director, DHME leh AYUSH officials ten an tawiawm. A hmunah hian Chief Medical Officer, Mamit District, Medical Superintendent, AYUSH Medical Officer leh staffs , Mamit DIstrict Hospital ten an lo dawngsawng a. AYUSH OPD inentir zat leh natna tlangpui an enkawl te zawtin, natna hrang hrang atana AYUSH system thatna te a sawi bawk.

Ni 24 September 2022 ah Venghnuai AYUSH Health & Wellness Centre a tlawh a. H&FW Department officials Dr.ZR Thiamsanga MLA, Vice Chairman, H&FW Board, Pi Esther Lal Ruatkimi, Principal Secretary, H&FW, Dr.T.Lalhmangaihi, Principal Director, H&FW, Dr. C.Lalzepuii, Director, DHS & DOA, Dr.KK Chhetri, Director, DHME ten an tawiawm. Hemi bakah Venghnuai Local Council member te leh NGO hruaitute sawm an nih angin an tel bawk. Dr.Lalmuanpuia, MO, AHWC , Venghnuai in centre report a pe bawk. Venghnuai AYUSH HWC a thawktute hnathawh tha a tih thu a sawi a. Tin an centre chu thianghlimna kawngah entawn tlak a tih thu a sawi bawk. Mipuite chu AYUSH Way of life zawm turin a fuih bawk a ni. Dr.Munjpara Mahendrabhai hian Venghnuai AYUSH Health & Wellness Centre Medicinal Garden chu a tlawh bawk a, Doctor leh staffs te inpekna leh thawhhona fakawm a tih thu a sawi.