MIZORAM-AH WORLD HOMOEOPATHY DAY 2026 HMAN A NI A, ‘SUSTAINABLE HEALTH’ LEH ‘GLOBAL HARMONY’ THUPUI-AH HMAN A NI

Directorate of AYUSH, Health & Family Welfare Department, Government of Mizoram buatsaihin April 10, 2026 khan World Homoeopathy Day 2026 chu Chanmari YMA Hall, Aizawl-ah ropui taka hman a ni. He hun hi Homoeopathy dintu Dr. Christian Friedrich Samuel Hahnemann-a piancham vawi 271-na denchhena hman a ni.

            Kumin hian India ram thupui atan “Homoeopathy for Sustainable Health” hman a ni a, khawvel huapa thupui (International theme) atan erawh “Harmony through Homoeopathy – Healing Beyond Borders” tih hman a ni thung.

            He hun hi Pi K. Lalrinzuali, IAS, Secretary to the Government of Mizoram (H&FW) chuan Chief Guest niin a hmanpui a. A thuchah-ah Mizoram hriselna kawnga Homoeopathy pawimawhna leh a than chhoh dan tarlangin, damlo enkawlna kawnga thawkrim zel turin AYUSH Doctorte chu a fuih a ni.

            Dr. Lalthlengliani, Principal Director (H&FW) pawh Guest of Honour niin he hun hi a hmanpui a. Homoeopathy chanchin leh hmasawnna hrang hrangte ngaihthlak niin, natna enkawlna kawnga Homoeopathy hlawhtlinna (Case presentation)  neih a ni bawk.

World Homoeopathy day 2026 denchhena buatsaih ‘Flyer Making Competition’ a titha te hnenah lawman sem a ni bawk.